Kum 2026-2027 Session-ah MEC tan beisei a ni

Lunglei Pukpui-a din, Mizoram Engineering College (MEC) chu kum 2026-2027 Academic Session-a Class tan theih beisei a ni.

    MEC-a Class tan thei tur hian hna 80 siam ni tawhin, hna 29 chu sawrkarin hnawhkhah a phalsak tawh a. Hna hnawhkhah phalsak chin hnawhkhat tur hian chak taka hmalak a nih thu Higher & Technical Education Department hotuten an sawi a ni. All India Council for Technical Education (AICTE) hnuaiah Affiliation dilna thehluh ni tawh a. AICTE Regulation, 2019 chu Mizoram sawrkarin siamthaa a pawm tawh angin leh he College-a Hostel enkawl dan tur inkaihhruaina, MEC Hostel Management and Maintenance Guidelines chungchangah hriattirna chhuah a ni tawh bawk a ni. Lunglei Pukpui-a MEC hi luah theih a siam a nih theihna turin sawrkarin cheng vbc. 25.41 a dah a. Hemi hmang hian Higher & Technical Education Department bakah PWD, PHE leh P&E Department ten anmahni chanpual theuh chak takin an buaipui mek a ni.