Post Budget Webinar 2026 live telecast lo chhim

Krishi Vigyan Kendra (KVK) Serchhip District North Vanlaiphai chuan nimin khan ‘Post Budget Webinar 2026’ chu live telecast-a chhimin ‘Agriculture and Rural Transformation’ tih chu zirho a ni.
KVK Serchhip Training Hall-a he hun hman hi KVK Serchhip District-a SMS (Soil Science) Mary Lalfakzuali chuan kaihruaiin Senior Scientist & Head Dr. T. Vanlalngurzauva chuan he hun an hman chhan te a tarlang a. He programme hi Ministry of Agriculture huaihawt niin India ram Prime Minister Narendra Modi chuan a hawng a, Prime Minister chuan, “India ram economy, a bikin Rural economy, hmasawnna siamtu ber chu Agriculture Sector hi a ni a, agriculture hi kan ram tungdingtu ngelnghet ber a ni,” a ti bawk.

He programme denchhen hian ‘Management of white leghorn layer’ chungchang ah North Vanlaiphai VO-I, VO-II leh VO-III hnuaia SHG member-te hnenah Dr. C. Lalremruata, SMS (Animal Science) chuan zirtirna pe bawkin Ar vulhtute hnenah damdawi pek an ni bawk.