District thuneitute nen inkawm

Zonuna Kawlni /

Serchhip District-a Prime Minister School for Rising India (PM SHRI) tlawha zin Central Nodal Officer (CNO-PM SHRI) chuan nizan hmasa khan Serchhip rawn thlengin a chenna Bangla-ah District thuneitute nen an inkawm.
 Sawrkar laipui Ministry of Rural Development-a Joint Secretary Lalchhandama bakah School Education Department-a Joint Secretary Malsawmtluanga, Samagra Shiksha, Mizoram-a Dy. State Project Director, Andrew Lalrintluanga leh School Education Department Serchhip District-a Official te hian Serchhip District hnuaia a PM SHRI School te hi niminpiah khan an tlawh a, heng an tlawhnaa an thil hmuh te Bawrhsap Paul L. Khuma hnenah hian thlenin, Lalchhandama chuan PM SHRI School te hi sawrkar laipuiin a ngaihven hle a, endik hna pawh uluk leh ngawrh takin a thawk dawn tih sawiin, Education Department bakah District thuneitute chu theihtawpa tang turin a fuih a. Sawrkar leh Private School dangte tana entawntlak, Model ni turin thawktuten an chawikan a tul dawn tih a sawi bawk.

Mizoram chhunga Govt. Primary School 1182 awm zingah 31 chu Central Sawrkar hmalakna Prime Minister School for Rising India (PM SHRI) ah thun an ni a. Serchhip District chhungah chuan Khawlailung leh Buangpui Primary School te chu kum kalta June thla atang khan PM SHRI School ah hlankai an ni. Prime Minister hova thla tin thut-khawm pawimawh Pragati Meeting thurel kal zelah sawrkar laipuia Joint Secretary 100 chuang te chu India ram puma PM SHRI School te tlawh-chhuak tur leh an dinhmun endik tura ruat an ni a. Ministry of Rural Development-a Joint Secretary Lalchhandama hi Mizoram tlawh tura ruat niin Serchhip District chhunga Mizoram Govt Primary School 2 - Khawlailung leh Buangpui Primary School te bakah Central School - Jawahar Navodaya Vidyalaya, Thenzawl te tlawhin, JNV hi kum 2 kalpui a ni tawh a, Buangpui leh Khawlailung P/S te erawh sum dawn la nei lovin hmalakna thui tak kalpui a la ni lo thung.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »