Official Resolution pawm

Zonuna Kawlni /

Mizoram Legislative Assembly thutkhawm nimin-a neih ah School Education Minister Dr. Vanlalthlana Official Resolution putluh, ‘Eighth Schedule to the Constitution of India-ah Mizo Tawng hi telh tura hma lak ni rawh se’ tih chu sawiho a nih hnuah lungrual taka pawm a ni a, he Resolution hi House Leader Lalduhoma leh Leader of Opposition Lalchhandama Ralte bakah Party tin aiawh mi pakhat theuhten an thlawp thu an sawi hnuah lungrual taka pawm a ni a, Resolution puluttu Dr. Vanlalthlana chuan, Mizo tawng Eight Schedule-a telh anih chuan Parliament-ah MP ten Mizo tawngin thu an sawi thei tawh anga, chiang leh fiah lehzualin mahni tawng ngeiin Delhi tlangah mipui aiawh ten thu an sawi thei tawh anga, Central Service ah hian Mains Exam-ah Mizo tawngin thalai ten an chhang thei tawh anga, hei bakah hian nasa lehzualin kan ziakmi te tan kawng a in hawng thei dawn tih te a sawi a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »