Mizoram-a eirawngbawlna Gas man tur bithliah thar

Zonuna Kawlni /

Rampum-a eirawngbawlna Gas man tihsan a nih hnuah Mizoram khawpui hrang hranga LPG man tur pawh bithliah fel a ni.
 Hemi chungchanga FCS&CA Department thuchhuah tarlan danin IOCL in Revised Retail Selling Price a tihchhuah angin March 7, 2026 atanga hman tan turin LPG man hi bithliah a ni a, hemi ang hian Vairengte tih loh Mizoram khawpui hrang hranga kg. 14.2-rit Domestic Cylinder man chu bur khat Rs.1065 niin kg. 19-a rit Commercial Cylinder man chu Rs. 2333.50 a ni ang. Hei bakah hian kg. 19-a rit Xtra TeJ chu bur khat Rs. 2356 a ni anga, kg 10 a rit Composite Cylinder chu Rs.766 a ni bawk ang.

Eirawngbawlna Gas Domestic Cylinder man hi Mizoram chhung hmun hrang hranga Home delivery kalpuina hmunah chuan bur khat zelah Rs.70/- belh tur a ni a, Godown-a hralh anih erawh chuan Rs.33.43 zel paih thung tur niin Home Delivery kalpui thei ngang lo Veng, Point delivery kalpuinaah chuan Rs. 7.53 belh zel tur a ni ang. LPG Home delivery-a semah hian kg 10 a rit cylinders sem tel a nih chuan bur khat zelah Rs.70/- belh tel tur a ni a, kg. 5 cylinder sem tel a nih chuan bur khat zelah Rs.20/- belh tur a ni bawk ang.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »