Kohhran hrang hrang ten Tumkau Ni an hmang
Isua Krista ropui taka Jerusalem-a a luhna ni, Tumkau Ni (Palm Sunday) hi Isua Krista Kraws-a khenbeh hma Pathianni hnuhnung bera hman thin niin kumin hian nimin, Pathianni khan hman a ni a, he ni pual hian Mizoram hmun hrang hrangah Kohhran hrang hrang te chuan zingkar-ah Tumkau chawi-a kawng zawhin khawlai an fang a, “Hosanna! Lalpa hminga lo kal chu fakin awm rawh se, Ram lo thleng tûr, kan pa Davida ram chu chawimawiin awm rawh se. Chungnung berah khian Hosanna!” tiin an au bakah Pathian fakna hla te an sa bawk a. Chhun lama kawngzawh te pawh an awm bawk a ni.
Tumkau Ni-ah hian Kohhran hrang hrang te chuan chawhma, chawhnu leh zan lamah he ni puala hun hmangin thupui hrang hrang hmangin thuchah an ngaithla a, hriat theih chinah Serchhip ah chuan Presbyterian, BCM, UPC-NEI, Mizoram UPC, Salvation Army leh Roman Catholic te chuan he ni hmang hian hun an hmang a ni.
Comments
Post a Comment
I ngaihdan i sawi hian mipui ngaihdan i tarlang a ni!