Nihawichi chinna hmun tlawh

Serchhip Zawlpui Agro Farmers Producers Company Ltd. chuan Inrinni khan Serchhip Mat Phai, Zawlpui Zau-a Sunflower (Nihawichi) chinna hmun an tlawh a, Guwahati atangin APRINS Project Co-ordinator Papori Chutia leh Zonal Co-ordinator Udipta Buragohain ten an telpui a ni.
Serchhip Mat Phei Leilet hmunah hian kumtin July thla velah Buh phunin November thla velah Buh an seng leh thin a, chumi hnuah lui tui te a lo kang tawh thin avangin leilet tam tak chu thlai chin hleih theih a ni tawh thin lova. Kumin ah erawh chuan Agriculture Department hmalakna in tui mamawh tam lo chi Nichawichi hi leilet neitu tam takin an ching a ni.

Nihawichi hi a par a mawi avangin a thla lakpui tumin mi tam tak Zawlpui-ah hian an kal thin a. Nihawichi hi December thla tirah an ching tan tlangpui a, May thla hi a seng hun niin an seng hunah a par atanga a rah/chi insiam (Nihawichi kan tih mai thin) chu an her thin a, ei theih chi hriak/tel (edible oil) a lo chhuak anga, chu hriak chu a tha in a to em em a, litre khat Rs. 350 man te a ni hial thin a ni.