Khawbung RD Block huamchhungah Hmarcha lei

Champhai District chhung Khawbung khuaa Ropuiliani Women Farmer Producer Company Limited chuan kar kalta chhung khan Khaw-bung RD Block chhung khaw hrang hranga Hmarcha awm ang ang te dap khawmin hralhchhuah a ni. Ropuiliani Women Farmer Producer Company Limited,  Mizoram State Rural Livelihoods Mission (MzSRLM) hnuai ami niin, Mahila Kisan Sashaktikaran Pariyojana (MKSP) Value Chain Project hmalakna peng pakhat a ni bawk. Khawbung-a Crop Procurement Manager R. Lalthianghlima chuan an hmarcha lak tur te chu a tha leh tha lo thliarhran  tir vek a nih thu a sawi a. Hmarcha rah sen tha, a kuang tel lova an thlankhawm sa chu Kg 1 Rs. 350 zela an lak thu a sawi a. Hmarcha lak loh, a hnu nawi an khawm leh te chu Metric Ton 4 chuang a la tlin thu a sawi bawk a ni.