April 21-ah AMC Inthlan

Zonuna Kawlni /

Aizawl Municipal Corporation (AMC) inthlan chu thla thar, April 21 khian neih a ni dawn a, April 27-ah Vote thla te chhiar a ni ang.

State Election Commissioner (SEC) Dr. H. Lalthlangliana a chuan nimin khan a Pisa-ah thuthar thehdarhtute kawmin AMC Inthlanpui chu April 21, 2026-ah neih a nih dawn thu puangin Inthlan chuh tumte tan March 25, 2026 thleng hming pekluh theih a ni dawn a, heng hming pekluh te hi March 27-ah endik in March 30 thleng inhnuhdawhna hun hawn a ni anga, April 21, 2026 zing dar 7:00 atanga tlai dar 5:00 thlenga Vote thlakna hun hawngin Vote tla te chu April 27, 2026 zing dar 8:00 atangin Vote tla te hi chhiar a ni ang.

Aizawl Municipal Corporation (AMC) Inthlanpui ah hian Ward 19-ah inthlanna neih tur niin heng zinga seat 6 hi hmeichhe te tana hauh bik a ni dawn a, Inthlan puan a nih tak avang hian AMC huamchhungah Election Model Code of Conduct (MCC) hman nghal niin MCC hian Political Party zawng zawng te, Contesting Candidate zawng zawng te, Minister te, MLA te leh Aizawl Municipal Corporation inthlannaa inhnamhnawih Public Servant te a huam a. Inthlanna ah hian EVM chu hman leh a ni bawk ang.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »