ZPM in NH-06 siam hna an vil reng dawn tih an sawi

Zonuna Kawlni /

ZPM Thalai President leh MLA Jeje Lalpekhua chuan National Highway-06 siamthat hna thawh mek chu an vil reng dawn tih a sawi.

ZPM Thalaite hian Inrinni khan Sairang leh Buichali inkar National Highway-06 siamthat hna thawh mek hi a hmunah tlawhin hemi hnua thuchhuah siama an tarlan danin Ministry of Transport & Highway hnuaia awm National Highways-06 hi National Highways & Infrastructure Development Corporation Limited (NHIDCL) leh an hnuaia thawk BALAJI, BR Goyal leh J. Infratech Private Limited (JANDU) te enkawl a ni a, Sairang to Buichali khawihtu J.Infratech Pvt. Ltd. (JANDU) te nen an hmalakna te an en ho a, J. Infratech Pvt. Ltd. atangin Project Co-ordinator Amit Singh chuan a dawngsawng a ni. NH-06 Sairang to Buichali kawng hi January 22, 2026 khan ZPM Thalaite chuan an kawng siam te enpuiin an vil zui reng tih an sawi a, Sairang to Buichali kawng khawihtu J. Infratch Pvt. Ltd. (JANDU) ten hna tan tawhin Hot Mix Plant an bun pawh a function tawh a, Cement Concrete chhun tur Meter 820 leh 11 Km Resufacing & Bitumen Cocrete hna pawh an tan tawh a, April 2026-ah zawh an beisei bawk niin an sawi.

ZPM Thalai President Jeje Lalpekhlua MLA chuan kawng siam mek hi ZPM Thalaite chuan an vil reng dawn tih sawiin, Fur ruahtui tlak hmaa siam zawh ngei a nih theih nan chak taka hma la turin Company hotute an hrilh thu a sawi a. Mizoram mipuite tana kawng pawimawh tak an khawih avangin tha taka mipuite duhthusam ang ngeia siam turin kawng siamtute a hrilh a, Company hotute hnenah hian hnachhia leh rintlak loh a awm chuan an ngawi mai mai dawn lo tih pawh sawiin, ZPM Thalai Headquarters atangin kawng siam viltu tur inruat in kartin an tlawh dawn tih a sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Phone bo 6 a neitute hlan let

Zonuna Kawlni /
Image
Serchhip Police te chuan CEIR Portal kaltlanga Phone bo an chhuichhuah paruk (6) chu nimin khan a neitute hnenah an hlan a, heng Phone an chhui zinga pahnih hi Serchhip Darnam Veng-a mi ta rukbo niin pahnih dang chu nikum December thlaa P&E Veng leh Bazar Veng-a mi ta bo a ni a, pahnih dang hi kumin January thlaa New Serchhip College Veng leh P&E Veng-a mi te ta bo niin nimin khan Serchhip Police Station-a OC, Inspr. R. Lalbiakhlua chuan a neitute kutah a hlan a ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »