State University sawiho

Mizoram College Teachers Association (MCTA) buatsaihin nimin khan Govt. Aizawl College Conference Hall-ah Mizoram State University lo ding tur kaihhnawih ah State Level Consulatation neih a ni a, he hunah hian Mizoram State University Act siam a lo nih chhoh dan te, he dan kalphung tlangpui te leh Mizorama kalpui a nih dan turte, a inrelbawl dan turte bakah Cluster University kalpui dan turte sawi a ni a. State University a din huna College awmsa te kal zel dan tur bakah, Teachers appointment chungchang leh State sawrkar in a enkawl dan tura beisei te pawh sawi a ni. Hei bakah hian Mizoram State University Act thar kalpui tum a nih thu te, beisei tur awm ang te leh kal zel dantur te pawh sawiho a ni a. MCTA member kalkhawm ten hemi kaih-hnawiha thil pawimawh hrang hrang an sawiho nghal bawk a ni.