Special Intensive Revision kalpui tur Party te sawipui

Zonuna Kawlni /

Kumin April 1 atang khian Mizoram-ah ‘Special Intensive Revision (SIR), 2025’ chu kalpui a ni dawn a, hemi chungchang ah hian Chief Electoral Officer (CEO) Mizoram, Dr. Lalrozama chuan nimin khan a Pisa-ah Political Party hrang hrang aiawhte a kawm.

He hunah hian CEO Dr. Lalrozama chuan Special Intensive Revision (SIR) chu Electoral Roll siam that dan pakhat a nih thu sawiin, political party aiawhte chu SIR chung-chang an party-te theuh hnena chiang taka hriattir tura kohkhawm an ni tih a hrilh a. “Ram leh hnam tana thawhhona tur pawimawh a ni a, Electoral Roll thianghlim, tha leh dik siam a ngai a, vote thlak tur dik tak chiah an tel tur a ni,” a ti.

Deputy CEO James Miahlung chuan he hunah hian SIR chungchang hi sawifiahin, The Representation of the People Act (RP Act) Section 21 behchhana kalpui a nih thu leh kum 1951 leh 2004 inkarah SIR hi vawi 8 kalpui a lo ni tawh tih a sawi a, Mizoram-ah chuan kum 20 chuang kalta, kum 2002-2004 inkar khan kalpui a lo ni tawh tih sawiin, SIR thil tum te, Electoral Roll hman meka siamthat ngaite a tarlang a. SIR 2025 chung-chang tarlangin, Phase khatna chu Bihar-ah June ni 25, 2025 atang khan kalpui niin September ni 30, 2025 khan Final Roll tihchhuah a ni a; Phase hnihna chu October ni 28, 2025 atang khan State 12-ah kalpui tan a ni a; Phase thumna kalpui chhoh tum mek a nih thu a sawi a ni.

SIR atana Mizoram inbuatsaih mek dan pawh tarlangin, Electoral Mapping (SIR hmasa zawka Roll nena enkawp) chu 91.67% zawh a ni tawh tih a sawi a. SIR atana political party-te mawhphurhna hrilhin, duhthusam chuan Polling Station tinah Booth Level Agent (BLA) ruat ni thei se tih a sawi a. Mizoram-ah Polling Station 1301 a awm a, chunga party tin BLA neih zat a hriattir nghal bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »