Serchhip South MUP Area Conference neih a ni
Serchhip Kawnpui VC Hall-a MUP Serchhip South Area Conference hi an President, CL. Ramngaia chuan kaihruaiin District MUP President, T. Lalrawngbawla chuan a hmanpui a, MUP member te fuihna thu sawiin, ram leh khawtlang tana an theih ang anga thawk turin a chah a, chumi tur chuan hma an sawn zel a tul thu te sawiin, Pawl inrelbawlna ah hruaitu sang zawk atanga tihtur leh mawhphurhna an pek te hlenchhuah kawngah theihtawp an chhuah zel a pawimawh thu a sawi bawk.
He hunah hian Area Report bakah Branch hrang hrangte report ngaihthlak a ni bawk a, MUP Serchhip South Area-ah hian Branch 7- Darnam, Dinthar, Saron, Vengchung, Ramthlun, Field Veng leh Chhim Veng te awmin Member mipa 291 leh hmeichhia 357, an vaiin 648 an awm a. Heng zinga mipa 51 leh Hmeichhia 42, an vaiin mi 93 te chu kum 80 chunglam niin Tar chawmna la mi 104 an awm bawk a. Kum kalta chhungin an Member boral mipa 18 leh hmeichhia 12 awmin sunna hun hman a ni bawk.
He Area Conference-ah hian Lengkhawm zai intihsiakna neiin Serchhip Vengchung Branch chu pakhatna an ni a, Dinthar Branch leh Field Veng Branch in an dawt a. He hunah hian an Vice President, Upa VL. Biakvara kaihhruaiin ram leh hnam tana tangtai rualna an nei nghal a ni.
.jfif)
Comments
Post a Comment
I ngaihdan i sawi hian mipui ngaihdan i tarlang a ni!