Serchhip District atangin MCS leh MPS-a tling awm

Zonuna Kawlni /

Mizoram Public Service Commission (MPSC) chuan niminpiah, February ni 9, 2026 khan Mizoram Civil Services (Combined Competitive) Examination, 2025 result a tichhuak ta.
 Mizoram Public Service Commission hian October ni 22 atanga ni 30, 2025 chung khan Mizoram Civil Services (Combined Competitive) Main Examination, 2025 buatsaihin heta tling te tan hian February ni 2 atanga ni 9, 2026 chhung khan Personal lnterview a buatsaih leh a, heta tang hian Mizoram Sawrkar hnuaia thawk tur Jr. Grade of Mizoram Civil Service (MCS) atan mi 15, Jr. Grade of Mizoram Police Service (MPS) atan mi 8, Jr. Grade of Mizoram Finance & Accounts Service (MF&AS) atan mi pahnih leh Jr. Grade of Mizoram lnformation Service (MIS) atan mi 8 te chu rawih turin a rawt a ni.

Tun tuma Jr. Grade of Mizoram Civil Service (MCS) atan lak zingah hian Serchhip District atangin Lalruatfela S/o Rohmingliana, Bazar Veng Serchhip chu telin a pumpui-ah 8-na a ni a. Jr. Grade of Mizoram Police Service (MPS) atana lak zingah K. Lallungmuana S/o Airikhuma, Khawbel leh J.Lalhriatpuia S/o Lawmthanga, Chhingchhip Mualpui te an tling bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Phone bo 6 a neitute hlan let

Zonuna Kawlni /
Image
Serchhip Police te chuan CEIR Portal kaltlanga Phone bo an chhuichhuah paruk (6) chu nimin khan a neitute hnenah an hlan a, heng Phone an chhui zinga pahnih hi Serchhip Darnam Veng-a mi ta rukbo niin pahnih dang chu nikum December thlaa P&E Veng leh Bazar Veng-a mi ta bo a ni a, pahnih dang hi kumin January thlaa New Serchhip College Veng leh P&E Veng-a mi te ta bo niin nimin khan Serchhip Police Station-a OC, Inspr. R. Lalbiakhlua chuan a neitute kutah a hlan a ni.
Kimchang zawkin »