Serchhip-ah ekyc tihna man lak chungchang sawiho

MIZOFED-a thawktu thenkhat ten ekyc a inziahluhna man an lak sak nia sawi chungchang chu nimin khan Serchhip-ah Bawrhsap hovin sawiho a ni.
    Serchhip District Consumer Association te chuan tunhnai khan Serchhip District Bawrhsap hnenah complaint thehlutin, hetah hian thawktu thenkhatten Consumer-te hnen atangin ekyc-a an inziahluh nana pawisa la thin an awm niin an sawi a. Hemi chungchang hi nimin khan Serchhip Bawrhsap Paul L. Khuma hovin a Pisa ah sawiho a ni a, MIZOFED Manager chu thil awm dan sawifiah tir niin, mithenkhatin MIZO-FED-a thawktute koin, an kal man tum sak te an lo awm niin a sawi a. Manager chuan a hriat veleh ti tawhlo tura a hriattir nghal thu a sawi a ni. Nimin-a Meeting chuan tunhnuah consumer in ekyc tih nan pawisa engmah an chawi tawh tur a ni lo tih sawiin, hetiang thil a thleng leh a nih chuan IOC thuneituten MIZOFED lakah hremna an lekkawh tawh ang tiin an rel a ni.