KIFA Company dintute sum pek luih tir an ni

Serchhip District Commission chuan Consumers ten harsatna an thlen ah thuremna tichhuakin KIFA Company dintute chu an hnuaia hnathawk, Serchhip Darnam Veng ami hlawh an pek kim loh Rs. 21,000/- chu pek luihtir an ni.
Bawngkawn (Brigade Road), Aizawl-a awm thin KIFA Company hian an hnuaia thawk pakhat, Serchhip Darnam Veng a mi chu a thawh chhunga a hlawh July 2024 - September 2024 (Rs. 21,000) an pek loh avangin Consumers Court-ah hian a zualko a, thubuai ngaihtuah a nih lai hian Company hi ding tawh lovina dintute hian an bansan zo a, amaherawh chu Court hian Company a din laia a khaipa te chu mawhphurh tirin he Company an din laia an bungraw la neih ho te chu Court hian a tihral tir a, hemi atang hian he thubuai thehluttu pawisa an la pek loh Rs. 21,000/- hi Court hian pek turin tun thla ni 10 khan thuremna hi tihchhuah a ni.