PHC tan Ambulance hlan

Champhai North Bialtu MLA leh Adviser to Chief Minister (Technical) Er. H. Ginzalala chuan nimin khan a Bial chhung Hnahlan PHC-a hman tur Ambulance leh Oxygen bur hnih a hlan a, heng te hi Power Grid Corporation of India Limited ten CSR Fund hmanga an pek niin Hnahlan leh a chhehvel khua ten Power Grid Corporation of India Ltd. te kaltlanga Hnahlan PHC hman tur Ambulance leh Oxygen bur an dawng thei chu lawmawm a tih thu a sawi a, tangkai tak an hman theih nan duhsakna a hlan bawk a ni.

Nimin vek khan Champhai North bialtu MLA Er. H. Ginzalala hian Hnahlan-a Lailiphai leh Khuangphah ram-a phun tur Thlai tiak a sem nghal bawk a, thlai tiak chi hrang hrang- Pear, Peach, Plum, Apricot, Persimmon leh Kiwi te hi Dr. YSP University of Horticulture & Forestry, Nauni, Solan, Himachal Pradesh hnen atanga chahin, Lailiphai-ah hian Pilot Project anga kalpui tum a nih thu a sawi a. NABARD atanga hmuh hmanga Laili Phai Agriculture Link Road laih mek KM 4-a thui leh PCC-a chhun tur KM 2 hna thawh mek te pawh a enfiah nghal bawk.