MYC leh ARO thawkho dawn

Mizoram Youth Commission (MYC) Chairman Malsawmzuala Ralte chu nimin khan Aizawl Falkland-a Army Recuitment Office-ah lengin Army Recruitment Office-a Director Col. Prakash Kumar Singh nen an inkawm a, Army Recruitment Office hian kumtin sipai lak runpui an buatsaih thin a. Mizo thalai tam zawk sipai-a an luh theihna turin Army Recruitment Office leh MYC hian thawhdun an rel a ni. MYC-in Mizo thalai sipai hna dil tur huikhawm/Mobilisation an ti anga, online-a dilna form an thehluh tur leh exam an hmachhawn tur atan Computer hman dan an zirtir anga. Online exam an paltlang theihna turin Coaching Class an buatsaih sak bawk ang. Sipai a lut tur hian pawl 8, pawl 10, pawl 12 leh BA pass te tan a dil theih dawn a, dilna hun hawn a nih veleh MYC in hriattirna a chhuah dawn a. Online exam zawhah physical test neih a ni ang.