Myanmar lamah Fertilizers thawnchhoh thin a ni

Mizoram-a loneituten Fertilizer duhkhawp lei tur an hmuh loh laiin Myanmar-ah thawn chhoh thin nia sawi chu thudik a nih thu Agriculture Minister PC. Vanlalruata chuan a sawi.

    Assembly Budget Session neih mekah niminpiah khan Aizawl West-III Bialtu MLA VL. Zaithanzama zawhna chhangin Agriculture Minister PC. Vanlalruata chuan India ram chu khawvela mihring tamna ber a nih avangin buh leh bal-a intodelh a ngai nasa hle a, hei vang hian sawrkar laipui chuan Fertilizer subsidy a kalpui a, chumi a nih avang chuan Fertilizer chu dealer ten zaa 10 in an zuarchhuak thin a, zaa 90 vel chu sawrkar laipuiin a tum avangin Fertilizer man chu a tlawm hle tih a sawi a. Hei vang hian Myanmar lamah man to zawka hralh-chhawn tura thawn chhoh a chakawm hle nia a rin thu sawiin, Mizorama loneituten Fertilizer duhkhawp lei tur an hmuh loh thu chu Office lamah pawh an thlen fo tih a sawi a, sawrkar chuan theihtawp chhuahin Myanmar lama thawn chhoh veng turin hma an la a, a ziaawm tawh hle tih a sawi bawk. Minister chuan Mizoram-a Loneituten tlawm zawk leh awlsam zawka Fertilizer lei tur an hmuh theihna turin MAHFED kaltlangin engtik lai pawhin kalpui mek a ni tih sawiin, PMSK hnuaiah Coorporative Society kaltlang kalpui tum chhoh zel a tum tih a sawi bawk a ni.