Mizoram-ah Sipai (Agniveer) lak runpui neih a ni leh dawn

Zonuna Kawlni /

Mizo thalaite tan Agnipath Scheme hnuaiah India Sipai (Agniveer) lak a ni leh dawn a, hemi atan hian Online hmanga inziahluhna hun hawn leh mek a ni.
 India Sipai lak runpui neih leh turah hian Army Recruitment Officer (ARO) Aizawl, Hav. Sandeep leh Sub. Maj. Ajaya Kumar Singh bakah 14th Assam Rifles Serchhip atangin Nb. Subedar Satish Singh te chuan Serchhip Bawrhsap, Paul L. Khuma chu Serchhip DC Meeting Hall-ah an kawm a, hemi hnu hian Serchhip-a MJA Member te kawm nghalin Sipai lakna kalpui dan tur hi an sawipui a. India Sipai (Agniveer) lakna neih tur atan hian February 13, 2026 atang khan inziah-luh theihna hawn a nih thu leh April 1, 2026 thlengin Online hmanga inziahluh theih a nih dawn thu an sawi a. Tun tumah hian mi 600 vel lak tura ruahman a nih thu leh tun thlengin inziaklut erawh an la tlem thu sawiin, Tlang mi te lak tur a nih avangin hei hi kan hnawhkhat zo lo a nih chuan State dangah lak leh tur a nih dawn avangin Mizo thalai tam thei ang berin dil se an duh thu an sawi a ni.

He hunah hian India Sipai (Agniveer) te tana hamthatna awm thei hrang hrangte thlirho a ni a, infiammi te leh NCC te bakah Sipai fa te tana hamthatna awm thei hrang hrangte pawh sawiho a ni a. He huna tarlan a nih danin Sipai lakna hi Aizawl-ah neih tura ruahman niin Mizoram District zawng zawng a huam dawn a. Agniveer General Duty, Agniveer SKT/Clerk, Agniveer Technical leh Agniveer Tradesman te lak a ni dawn a. April 1, 2026 thlenga Online hmanga inziaklut te tan June 1 atanga 15 chhungin Online CEE Exam neih a ni ang.

Nimin-a thuthar thehdarhtute leh Sipai lak buaipuitute bakah District thuneitute inkawmna ah hian Mizo thalai tam zawk te Sipai-a an luh theih dan tur leh a bikin Serchhip District-a thalai ten awlsam zawka Form an fill-up theih dan tur bakah April 15, 2026 atanga Assam Rifles ten Pre-Training an kalpui tur chungchang te sawiho a ni bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »