March 13-ah Chapchar Kut hman leh a ni dawn
Serchhip DC Meeting Hall-a Chapchar Kut hman dan tur ngaihtuaha thutkhawm hi Bawrhsap Paul L. Khuma chuan kaihruaiin Chapchar Kut hmang tura sawrkar in ruahmanna a lo siam tawh dan te a tarlang a, he Meeting hian Chapchar Kut hi hman ngei nise tiin March 13, 2026 (Zirtawpni) chawhma dar 11:00-ah Serchhip P&E Veng-a Leisekawt Mual-ah hman tura ruahman a ni a, District Bawrhsap Paul L. Khuma chu Kut Thlengtu niin Minister Prof. Lalnilawma chu beisei a ni bawk.
Chapchar Kut hman dan tur kimchang leh Item te lo ruahman turin Addl. DC, Lalrinzuala kaihhruaina hnuaiah Working Committee dinin Chapchar Kut hlimawm tak hman a nih theihna tura sawrkar Department hrang hrangte mawh-phurhna tur pawh siam nghal a ni bawk a. Kumdang a lo tih tawh thin angin ‘Chapchar Kut Miss’ thlan leh tur niin a thlangtu turte pawh ruat nghal an ni.
Kumin a Chapchar Kut hmanna atan hian Mizoram sawrkar chuan Serchhip District tan Rs. 4,50,000/- ruahmanin hemi bak ah hian sawrkar Department hrang hrang ten anmahni remchan ang thawhkhawm nise an ti bawk a. He thutkhawm ah hian sawrkar Department hrang hrang hotute bakah tlawmngai pawl- YMA, MUP leh MHIP bakah MZI, MDM leh khawtlang hruaitu VC aiawhte an tel a ni.
Comments
Post a Comment
I ngaihdan i sawi hian mipui ngaihdan i tarlang a ni!