Lawngtlai Bawrhsap leh LADC CEM an inkawm

Zonuna Kawlni /

Lawngtlai District Bawrhsap Donny Lalruatsanga leh Lai Autonomous District Council (LADC)-a Chief Executive Member (CEM) C. Lalsawmzuala te chuan nimin khan Lawngtlai District hmasawnna tur kawng hrang hrang an sawidun.

LADC CEM Pisa-a an inkawmna ah hian Lawngtlai Bawrhsap Donny Lalruatsanga chuan Lawngtlai District-hmasawn nan LADC leh District Administration pheikhairual taka kal a pawimawh hle tih a sawi a. Hemi kawngah hian harsatna te in hrilh tlang a, hmalam pana ke pen tlan a tul thu a sawi a. LADC-ah sawrkar mumal tak a awm thei chu lawmawm a tih thu sawiin, hmalam hunah tha taka thawhhona a awm a beisei tih a sawi bawk.

LADC-a CEM C. Lalsawmzuala pawhin Lawngtlai Bawrhsap in a tlawh chu lawmawm a tih thu sawiin, LADC leh District Administration thawhhona chu thil pawimawh tak a nih thu a sawi a. Lawngtlai District hmasawnna turin mahni thuneihna zawnah chak tak hmalak tlan a duh thu sawiin, Lawngtlai District mipuite tha taka sawrkar tawiawm zel turin a sawm nghal bawk a ni.

He inkawmna ah hian thu pawimawh tak tak sawidun a ni a. Faina leh thianghlimna kawngah leh khawpui cheimawi kawngah hmalak a ngai hle tih sawiin, hemi kawngah hian theihtawpa thawhho nise an ti a. Motor Parking leh Traffic chungchangah hmalakna tha zawk awm se tih a ni a, ruahmanna siamho nise an ti bawk. Ran khuahkhirh kawngah hmasawnna tur tam tak a la awm tih pawm tlangin, khauh zawka dan leh thupek kenkawh nise an ti a. Foreigner lo lut thin leh sumdawnna kalpui chungchangah inkhuahkhirhna tha zawk bakah SOP mumal taka siama chak zawka hmalak nise an ti a. Hemi kawngah hian FMR chu khauh taka kenkawh nise an ti bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »