Football Tournament-ah Zorempuia FC an Champion

Zonuna Kawlni /

Games & Sports Association (GSA) Hualtu buatsaih Zonuntluanga Memorial Football Tournament, Running Trophy 2026 khelh zawh takah Zorempuia FC, Hualtu chu an Champion.
 Hualtu Playground-a khelh Zonuntluanga Memorial Football Tournament, Running Trophy 2026 hi nimin khan Final khelh a ni a, Final-ah hian Zorempuia FC, Hualtu chuan an khingpui Venghlun FC, Chhingchhip chu si li fai-a hnehin an Champion a, he inkhel ah hian Zorempuia FC tan Nicolas-a chuan goal hnih a khung bakah James-a leh Zomuana te chuan goal khat ve ve an khung a ni.

He Tournament-ah hian mimal lawmman hrang hrang buatsaih niin Zorempuia FC player ten an dawng nual a, an player zingah Lalduhzuala chu Best Player-ah thlan a ni a, ani bakah hian Nicholas VL. Hmangaiha chu Top Scorer a ni a, Vass VL. Ruata chu Best Goalkeeper niin Zothansanga chu Best Midfielder atan thlan a nih bakah Johny Vanhmingsanga chu Best Defender a ni a, Venghlun FC atangin Zonunsanga chu Best Forward atan thlan a ni bawk.

He Tournament hi kum 2025 atanga khelh niin nikum khan Keitum FC an lo Champion tawh a, kumin hian a vawi hnihna atan February 9, 2026 khan khelh tan leh niin Team 17 an tel a, nimin khan Final khelin zawhfel a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »