Football for School (F4S)

Zonuna Kawlni /

Sawrkar laipui-a Ministry of Education leh FIFA tangkawpin Zirna In-a zirlai ten an zirna tibahlah lova Football an uar zawk theih nana hmalakna, Football for School (F4S) Programme chu nimin khan Thenzawl-a Jawahar Navodaya Vidyalaya (JNV)-ah hman a ni a, Serchhip SP Gavit Gogna IPS chuan khuallian nia hmanpuiin zirna In hrang hrangte hnenah Football a sem nghal a ni. Football for School (F4S) Programme bul tanna hi JNV Field-ah hman hmasak niin ‘FIFA football kick off’ neih a nih hnuah JNV Activity Room-ah hun hman chhunzawm leh a ni a, he hunah hian khuallian bakah JNV Principal Anish P leh Thenzawl Zone Football Association President Liantluanga Renthlei te pawhin thu an sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Phone bo 6 a neitute hlan let

Zonuna Kawlni /
Image
Serchhip Police te chuan CEIR Portal kaltlanga Phone bo an chhuichhuah paruk (6) chu nimin khan a neitute hnenah an hlan a, heng Phone an chhui zinga pahnih hi Serchhip Darnam Veng-a mi ta rukbo niin pahnih dang chu nikum December thlaa P&E Veng leh Bazar Veng-a mi ta bo a ni a, pahnih dang hi kumin January thlaa New Serchhip College Veng leh P&E Veng-a mi te ta bo niin nimin khan Serchhip Police Station-a OC, Inspr. R. Lalbiakhlua chuan a neitute kutah a hlan a ni.
Kimchang zawkin »

Serchhip-ah Heroin man

Zonuna Kawlni /
Image
Serchhip Police-a CID (Crime), DSB leh Sub-Hqrs. YMA Anti-Drug Squad te chuan nimin khan Serchhip Lower Chanmari-ah Heroin nia hriat gram 10.75 an man a, a neitu nia hriat Daniel Lalfakawma (31) h/o PC. Lalremmawii leh Jacob Lalhlimpuia (21) s/o Vansangzuala,Lower Chanmari nia insawi te pawh man nghal an ni.
Kimchang zawkin »