Chhiarpui nei tur atan intawhkhawmna hmasa nei

India ram Chhiarpui neih tur atana ni khat awh intawhkhawmna, ‘State Level Conference of Principal Census Officers’ chu nimin khan neih a ni.

Principal Secretary leh Census of India, 2027 atana State Nodal Officer Sudhir Kumar-a kaih-hruai he intawhkhawmna hi Mizoram Secretariat-ah-ah neih niin Principal Census Officer-a ruat, District zawng zawnga Deputy Commissioner te leh Aizawl Municipal Corporation-a Municipal Commissioner zawng zawngte bakah Census kalpui tura Nodal Department, General Administration Department-a Officer te an tel a. Sudhir Kumar-a chuan Census of India, 2027 chu fiahna hmanga thil ruahmanna, rorel kalhmang siamna leh ram hausakna intluktlang taka semzaina atana pawimawh tak a ni tih a sawi a. Principal Census Officer-te chu Census Act, 1948 leh Census Rules-in an mawhphurhna a tuk sakte taima taka hlenchhuak turin a fuih bawk.

He hunah hian Directorate of Census Operations, Mizoram-a Deputy Director, Jamil R. Swer hnen atangin Census of India, 2027 kalpui tum a nih dan chipchiar tak ngaihthlak a ni a. Census Phase-I Houselisting and Housing Operation (HLO) chu Mizoram-ah April ni 16, 2026 atanga May ni 15, 2026-ah kalpui a nih tur thu te, Phase I-a mahni inziahluh theihna (self-enumeration) chu April ni 1 atanga ni 15, 2026 chhungin siam a nih tur thu te a sawi a. HLO Phase-a zawhna zawh dan tur kalhmang leh digital hmanraw hman turte tarlangin, Census lo awm tur chu India ram a Digital Mode hlanga Census kalpui hmasa ber tur a nih thu a sawi bawk. Census tluang leh hlawhtling taka kalpui a nih theih Department hrang hrang – Rural Development, Forest, Information and Public Relations leh a dangte leh Urban Local Body-te nena thawhhona a pawi-mawh thu a sawi bawk.