Aizawl Day 2026 hman a ni

Aizawl Day 2026 chu nimin khan Aizawl Lammual-ah hman a ni a, Aizawl Mayor Lalrinenga Sailo chuan he hun hi a hmanpui a ni.

Aizawl Day tum 4-na ah hian Aizawl Mayor Lalrinenga Sailo chuan Aizawl chu Lalsavunga khua tih ni thinin kum 1890-ah khawpui anga din tan a ni a, Aizawl Fort tih a ni a, Official-a Aizawl din tan ni a puan a nih thu a sawi a. AMC in Aizawl dinchampha ah a pawm avangin kum 2023 atang khan February ni 25 apiangin Aizawl Day hi hman turin Board of Corporation Meeting chuan a rel thu a sawi bawk a ni.

Aizawl Day lawmna-ah hian pawl leh mimal 94 hnenah lawmman leh chawimawina chi hrang hrang hlan a ni a. International leh National Level chawimawina dawng, Aizawl tihmingthatu mi 21 hnenah Aizawl Day Award sem a ni a, Local Council tha thlanchhuah 10 te hnenah lawmman pek a ni a, faina kawnga thawk tha pawl leh huho 12 leh mimal 35 hnenah chawimawina hlan a ni bawk a. Sanitation Workers tha thlanchhuah 6 leh bawlhhlawh phur motor khalhtu tha 10 thlanchhuahte hnenah chawimawina hlan niin tun thla ni 27 thleng khian Programme hrang hrang hman zui tur a ni ang.