Supervisor ten Training nei

Serchhip District Agriculture Marketing Committee (DAMC) hnuaia Supervisor te tan nimin khan Serchhip DC Pisapui Hall-ah an hnathawh dan tur inzirtirna neih a ni.
DAMC hnuaia Supervisor te tana training hi Serchhip Addl. DC Lalrinzuala chuan hawngin thlai thar hralhna tura Secondary Collection Centre (SCC) te tan an mawhphurhna siam thar a nih thu sawiin, Supervisor te chu mawhphurhna pawimawh tak pek an nih thu leh Co-ordinatorte nena thawhhona tha tak an neih a tul thu a sawi a. Sawrkar chuan Sawhthing hralh hun chhung hi chuan mahni hna pangngai aiin Handholding hi ngaihpawimawh rih zawk tura a beisei thu sawiin, Supervisor te hriatpuina ngeia Sawhthing hi hralhchhuak thin tura beisei an ni tih a sawi bawk.

He hunah hian SDC Dr. C. Vanlalchhanhimi chuan Bana Kaih Scheme hnuaia thlai thlanchhuah- Sawhthing lei leh hralh dan tur te, Mizoram Agriculture Marketing Board (MAMB)-in inkaihhruaina a siam te, Sawhthing lilam dan te leh a kaihhnawih thil pawimawh dangte a sawifiah a. Serchhip MzSRLM-a DES, PC. Vanneia chuan sum leh pai chetvel dan chhinchhiah dan tur te, Audit chungchang te leh account vawn dan te a zirtir bakah Hannah L. Betlu, ADHO Serchhip chuan Sawhthing vawnthat dan tur leh sawngbawl dan te a zirtir a ni.