Pian punna rate a pung chho

Tunhnai kum nga chhungin Mizoram-a pian punna rate a pung chho a, nau piang pawh an tam chho hret hret. Economics & Statistics Department-in nikum kum tawp lama 'Annual report of Registration of Births & Deaths Mizoram, 2024' a tihchhuah atanga a lan danin Mizorama nau piang punna rate hi tun kum 5 kalta, kum 2020 atanga kum 2024 thleng khan kum tin a pung chho hret hret zel a. Piang punna 'birth rate' hi kum 2020-ah 17.28, kum 2021-ah 17.63, kum 2022-ah 18.49, kum 2023-ah 18.89 leh kum 2024-ah 20.11 te a ni. Report atanga a lan danin kum 2020 khan Mizoram-ah naupiang 23320 an awm a, kum 2021-ah 24314, kum 2022-ah 26049, kum 2023-ah 27180 leh kum 2024-ah piang 29615 an awm a ni.