Oil Depot chungchanga Minister leh Larsap in sawi

Food Civil Supply & Consumer Affairs Minister B. Lalchhanzova chuan nimin khan Lengpui Airport Lounge-ah Mizoram-a Oil Depot din chungchang chu Larsap Gen. VK. Singh a sawipui.

He hunah hian Supply Minister B. Lalchhanzova chuan Mizoram-in Oil Depot a mamawhna te sawiin, theihtawp chhuahpui turin Larsap chu a ngen a, Oil Depot nei tura an hmalak tawhna hrang hrang a sawi bawk. He hunah hian Larsap Gen. VK. Singh chuan Oil Depot chungchang chu sawrkar laipui a sawpui tawh thu sawiin, “Oil Depot dinna hmun tur Sairang Railways Station bulah neih phawt a ngaih thu leh Oil Depot dinna atan IOCL chuan cheng vaibelchhe tam tak an sen a ngaih dawn avangin ram manah chuan sen an hreh thu leh Sawrkarin ram a ngaihven a ngai tih sawiin, chumi hmang chuan hmalak zel theih a nih tur thu a sawi. 

He hunah hian FCSCA Secretary Teresy Vanlalhruaii chuan Oil Depot nei tura Ministry bultuma IOCL-te nen December, 2025-a Delhi-a an thurelte Larsap hi hrilhin, Larsap leh FCS&CA Minister hian remchang hmasaah Oil Depot chungchang hi Aizawl-ah an sawiho leh tur thu leh Mizoram-in Oil Depot a neih ngei theihna atan theihtawp chhuah zui zel an tum thu an sawi a ni. 

Mizorama Oil Depot siam a nih theih nan  hian nikum December 29 khan FCS&CA Minister B. Lalchhanzova hovin a Pisa-ah IOCL hotu liante leh FCSCA Official pawimawh ten \hut-khawm an lo nei tawh a, he hunah hian Supply Minister chuan Mizoram chu a awmna hmun a pawimawh avang te, ruahtui tlak tamna anih avanga inkalpawhna a harsatna a awm \hin avang leh KMMTTP kal zelah te, South Asia politics boruak inlumlet avang te leh chhan dang dang vangin Energy security a neih a \ul thu a lo sawi tawh bawk a ni.