Mizoram CSR Connect portal

Mizoram-in Corporate Social Responsibility Fund tam zawk a hmuh ve theih nana a tulna apianga hma la tura a din, CSR Cell chu nimin khan an Chairman leh Adviser to CM, TBC. Lalvenchhunga hovin Online hmangin an thukhawm a, Mizoram CSR Connect portal chu tun thla ni 27 khian a hawnna neih nise an ti a ni. CSR Cell te hian CSR pe thei Company lian te nena inpawhna tha zawk a awm theih nan UNDP nena tangkawpin Bangalore ah CSR Conclave an buatsaih tawh a, Mizoram chhungah ngei CSR dil thei register agency a pun theih nan kawng hrang hrangin hma a lo la tawh bawk a. Heng CSR pe thei Company te leh CSR Fund hmang thei register agency leh NGOs ten awlsam leh rang zawka an inhriattawnna tur te, Project proposals an neih an inhriatsak zung zung nan online matchmaking portal a duang leh a. Chu portal chu a hmingah ‘Mizoram CSR Connect’ vuahin he portal hmang hian NGO leh Company te CSR atana thawhdun duh te thlunzawn a tih awlsam beisei a ni.