MCAB hmalakna tur rel

Zonuna Kawlni /

Mizoram Cooperative Apex Bank Ltd. Board of Directors Meeting chu nimin khan Aizawl a Head Office Board Meeting Room-ah neih a ni a, State Level Banker’s Committee-in a rawt angin Bank awm lohna khua Saipum-ah Branch thar hawn rem tiin, tun Financial Year chhung ngeia hawng tura hmalak nise an ti a. Bank Share lei dil Society te hnenah share lei phalna pein, Mizo Bank anih angin Share leia tanla zel turin Mizoram chhunga Society zawng zawng te a sawm nghal a ni. He Meeting hian Loan dilna hrang hrang 117 pek rem tiin a vaiin cheng nuai 2569 a ni a. Heng loan pekchhuah zingah hian Biak In sakna Loan, Society Loan leh Sawrkar Flagship Prog-ramme hnuai ami Handholding (Banakaih) Loan te a langsar zual niin mimal In sakna Loan, Business, Industry leh Agriculture loan te a tel a ni. Tunah hian Apex Bank hian Deposit cheng vbc. 1787 kawlin Loan cheng vbc. 1259 a pechhuak mek a, Sum kawl atanga Loan pekchhuah zat (CD Ratio) chu za zelah 70.5 (%) a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »