India Meteorological Department dinchampha hmang

Nimin khan Meteorological Centre, Aizawl chuan India Meteorological Department din champhaphak vawi 15-na pualin Berawtlang-ah hun an hmang a, IMD pawimawhna hrang hrang leh a hnathawh tarlanna atan hun hman a ni. Nimin-a he hun hman hi Director General of Meteorology, Dr. Mrityunjay Mohapatra leh Deputy Director General Dr. Sanjay O’Neill Shaw ten telpuiin, Meteorological Centre, Aizawl Director Sudheer Kumar Dwivedi chuan khua leh tui tana IMD hnathawh hrang hrang leh an hmalakna tura hmachhawp hrang hrang a sawi a, an hnathawh kawngah sawrkar thlawpna an hmu tha tih sawiin, Mizoram khua leh tui te nena an thawhhona chu chhuanawm a tih thu a sawi bawk.

He hunah hian IMD pawimawhna hrang hrang leh a hnathawh tarlan niin khaw chin hrilh mai piah lamah huan thlai enkawl kawnga an hnathawh dan te tarlan a ni a, chhiatna thleng thei hmun hrang hranga hriatirna an pek thin chuan zawm a hlawh tha hle niin an sawi bawk.