Chhiah lak tihpun a ni dawn

Thla thar February ni 1 atang khian vaihlo atanga thil siamchhuah chi hrang hrangah Chhiah lak belh a ni dawn a, Pan Masala atangin chhiah thar lak a ni dawn bawk. Sawrkar laipui thuchhuah in a tarlan danin, Pan Masala, Cigarette, Vaihlo leh hetiang lam chi atangin Goods & Services Tax (GST) zaa 40 lak a ni anga, Biri-ah GST zaa 18 lak a ni bawk ang. Heng bakah hian Pan Masala atangin Health & National Security Cess lak a ni dawn a ni. Pan Masala leh vaihlo lam thil atanga Excise Duty lakna tur, Health & National Security Cess thar hi Parliament-in December thla khan a pass a ni.