Tuirini HEP sawihona nei

Chief Minister Lalduhoma chuan nimin khan a Pisa-ah New Development Bank, India hotute kawmin Tuirini Hydro Electric Project (HEP) thawh thuai dan tur a sawipui a, Tuirini HEP hi kawl-phetha Megawatt 24 pechhuak thei tura duan niin cheng vbc. 676 . senna tur a ni a, a thawhna tur hi sawrkar laipui kaltlangin New Development Bank, Sanghai sum puk tur a ni. Hna hi tan turin Empowred Committee din felin chumi zawhah Project Management Consultancy thlan tur a ni a. Chungte chu tunah hian chak taka kalpui mek a ni a. Hengte hi a fel-a Central sawrkarin a lo pawmpui chuan Tender tihchhuah theih a ni ang. He hna thawh tur atan hian Preliminary Project Report (PPR) chu Department of Economic Affairs-ah September 2024 khan thehluh a ni tawh a, MNRE, External Affairs leh NITI Aayog atanga phalna lak ngaite chu lak fel tawh an ni.