PHE Deptt. in khawl thar bun hna zofel ta

PHE Department in Serchhip khawpui chawmna atana Tuikum lui-a Tui an pump-na a Electric khawl, Clear Water Pump Panel Soft Starter chhia thlak hna chu niminpiah atang khan ngawrh taka thawh niin nimin khan chhunzawm lehin zawhfel a ni ta a, nimin tlai dar 5:20 khan khawl bun thar hi enchhinin Tuikum atangin Tui pump a ni a, dar 5:25-ah Khawtetlang-a Tuizem lian pump thlen a ni a, hemi hnu zan dar 6:05-ah enchhinna neih leh niin tluang taka Tui hi pump theih a ni.

Tarlan tawh angin Tuikum lui-a Electric khawl hmanga tui pump-na a Soft Starter hi Nov. 9 zan khan a chhia a, hei vang hian mipuite hnenah Tui sem pawh a khaihlak nasa hman hle a, tuna khawl siamthat a nih takah chuan dan pangngaia tui hi pump in mipuite hnenah pawh mumal zawka sem chhunzawm theih beisei a ni bawk.