Mission Karmayogi hnuaia thawhhona (MoU) ziah a ni

Mizoram sawrkar leh Capacity Building Commission leh Karmayogi Bharat (SPV) te chuan sawrkar hnathawkte intuaihriamna tura hma-lakna kal zelah nimin khan thawhhona thuthlung an ziak.

Mission Karmayogi – National Prog-ramme for Civil Services Capacity Building (NPCSCB) hnuaia sawrkar hnathawkte intuai-hriamna tura hmalakna kal zela thawhhona thuthlung hi Aijal Club, Conference Hall-ah ziah niin Mizoram sawrkar aiawhin YLN Reddy, Secretary to the Govt of Mizoram, DP&AR (Good Governance & Training Wing) leh CBC aiawhin Shyama Prasad Roy, CBC Secretary leh Karmayogi Bharat (SPV) aiawhin Chhavi Bharadwaj, CEO ten an hming an ziak a, Mizoram sawrkar department hrang hranga hotu lian, Secretary rualte leh hotu dangte telin Mission Karmayogi chungchang zirho nghal a ni bawk.

He MoU hnuaiah hian Capacity Building Commission ten policy duan leh sawrkar kaih-hruai hna an thawk anga; Karmayogi Bharat (SPV) ten Technical leh digital lam enkawlin iGOT Platform an vil ang. Mizoram Sawrkar nen tangho i, tunlai mil zelin Capacity Building & Training Plan-te duan a ni anga, Mizoram sawrkar hnathawkte tan intuaihriamna programme hrang hrangte duan niin, chin dan tha zawk leh learning material-te pawh in-share tawn zel a ni dawn a; online-a training theihna iGOT Karmayogi Platform-ah department te leh sawrkar hnathawkte telh niin iGOT kaltlang hian Competency Passbook, Integrated Digital Certificate pek thin an ni ang.

Nimin-a he hun hman hi Chief Secretary Khilli Ram Meena chuan kaihruaiin he thawhhona hian sawrkar inrelbawlna tha zawk leh chak zawk te, mipui leh sawkar inkara inkungkaihna tha zawk leh mi te berte thleng phak sawrkarna tha te a thlen chhoh zel beisei a ni.