Dan zawm lo mi 21 man an ni

Serchhip Traffic Police te chuan nimin, Dec. 1, 2025 atang khan Serchhip-ah ‘No Tolerance Drive’ kalpui tanin nimin khan Dan zawm lova lirthei khalh mi 21 zet man an ni.
Serchhip SP in thuchhuah siama hunpui vuakvet a lirthei khalhtute leh mipuite lirthei accident laka an him tlan theih nan Serchhip khawpui chhung bikah Serchhip Traffic Police ten December 1, 2025 atanga khauh taka lirthei endik hna (Mobile Traffic Checking) an kalpui tur thu a lo tarlan tawh angin nimin khan Serchhip Traffi Police te chuan Serchhip khawpui chhungah ‘No Tolearance Drive’ hi an kalpui tan a, nimin khan Serchhip Bazar bikah Duty indahin lirthei chi hrang hrang 250 chuang chu an docment enfiah niin mipui phur chi lirthei, Two Wheeler Taxi leh Auto Rickshaw khalhtute chu Breath Analyzer hmanga enfiah an ni bawk a, Dan zawm lo-a lirthei khalh mi 21 man niin heng mite pawisa chawi tlingkham chu Rs. 67,500 a tling a ni.

Serchhip Traffic Police hotute chuan Dan awm lo an man zingah hian rui chunga lirthei khalh mi pakhat a awm thu sawiin, Driving License nei lova lirthei khalh mi pathum an man thu an sawi bawk a, a bak hi document felfai lo an ni tlangpui tih sawiin, lirthei enfiah hna hi an kalpui zui zel dawn thu an sawi bawk a ni.