Vawiin ah chuanman zatve in City Bus te an tlan dawn

Mizoram in tunhnaia khawpui chhunga lirthei chet vel dan felfai tak leh traffic dan zawm kawng a lawmman a lak lawmna atan Vawiin hian Aizawl-ah City Bus te chu mipuite tan chuanman zatve in an tlan dawn tih nimin khan UD&PA Minister K. Sapdanga chuan thuthar thehdarhtute kawmin a sawi a. Mizoram lawmman lak chu mi tinte thuawih zar a nih thu leh sawrkar dan zam mitinin an ngaih pawimawh vang a nih thu a sawi a, Mizoram-a lirthei chetvel dan kawngah Zonun zemawi a taka a lan thu a sawi a ni. Home Minister chuan khawpui chhunga lirthei che vel enkawltu ber chu Traffic Police-an nih thu leh Mizoram lawmman dawn chu mipuite thuawihna zar a nih bakah Traffic Police-te zar a ni tih an hriat reng thu a sawi bawk a ni.

Home Minister ni bawk K. Sapdanga chuan kuhva ro tawlhruk chungchang pawh sawiin, hemi kawngah hian Mizoram Police bakah ramri hrul a awm khua a tlawmngai pawlte inpekna a thuk thin hle a ti a, Kuhva tawlhruk leh ruihhlo tawlhruk chu a pahniha thlithlai reng a nih thu leh Kuhva tawlhrutu ten JCB hmanga kawng an sial ruk pawh an umzui zel thu a sawi bawk.