Sava leh Ramsa kah/man khap

Zonuna Kawlni /

Serchhip District Magistrate chuan Airgun/Air Rifle, Silai, Sairawkherh leh hmanraw dang hmanga ramsa leh sava kah leh man khapna thupek a chhuah thar.
 Hemi chungchanga tun thla (Nov.) 4-a thupek a tihchhuah ah Serchhip District Magistrate Paul L. Khuma chuan Serchhip District chhungah tunlai hian mi thenkhatin silai hrang hrang leh hmanraw dang hmangin sava leh ramsa an pel thin tih hriat a nih thu leh heng avang hian ramvak karah inkah palh avanga nunna hial chan pawh an lo awm tawh thin thu a tarlang a. Kan chhehvela nungcha chi hrang hrang te an chereu mai lova humhalh an nih theih nan leh ramvah avanga nunna chan an awm loh nan Section 163 of Bharatiya Nagarik Suraksha Sanhita, 2023 tlawhchhanin ‘Serchhip District chhungah mi tumah in Airgun/Air Rifle, Silai, Sairawkherh leh hmanraw dang hmangin ramsa leh sava reng reng an vehin an kap/man tur a ni lo’ tiin a tarlang a ni.

He thupek hi chhuah a nih (Nov. 4, 2025) atanga thla hnih (2) chhung huam tur niin thupek zawm lo chu Section 223 of Bharatiya Nyaya Sanhita, 2023 dan hmangin hrem theih an ni ang.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »