Janjatiya Gaurav Diwas lawm dan tur ngaihtuah a ni

Tun thla November 15 khian Serchhip-ah ‘Janjatiya Gaurav Diwas’ lawmna neih a ni dawn a, he hun hman dan tur hi nimin khan Serchhip-ah sawiho a ni.
Ministry of Tribal Affairs chuan Tribal leh hnam hnuaihnung zawkte chawikan nan leh hnam nunphung leh rohlute vawn nun zelna atan ‘Janjatiya Gaurav Diwas’ hi a buatsaih a, kum 2021 atang khan British lak atanga India zalenna sualtu Bhagwan Birsa Munda piancham ah kumtin November ni 15-ah hman thin a ni. Kumin ah hian November ni 1-15 chung hian hman tur niin Nov. ni 15-ah a hun pui ber chu hman tur a ni dawn a ni.

Serchhip-ah pawh Janjatiya Gaurav Diwas hi hman tura ruahman niin nimin khan District Bawrhsap Paul L. Khuma hovin Serchhip DC Meeting Hall-ah hemi chungchang hi sawiho a ni a, hemi atana mawhphurhna leh chanvo hrang hrang neitu turte ruat nghal niin Bhagwan Birsa Munda hlawhtling taka hman a nih theih nan mahni mawhphurhna theuh ngai pawimawh turin DC chuan a ngen a ni.