Inhnukdawk pahnih awm

Thla thar December 3-a Lai Autonomous District Council (LADC) Inthlanpui neih tur chuh tuma hming pelut te tana inhnuhdawh hun chu nimin chhun dar 12:00 khan tawpin Sangau West MDC Bial-a Independent a chuh tum C. Lallungmuana leh Paithar Bial-a Independent-a chuh tum J. Thangkhuma te chu an inhnukdawk a, heti hian MDC Bial 25-a inthlanna chuh turin Candidate 80 an awm dawn ta a ni. Heng Bial 25 te hi ZPM chuan chuh vekin MNF in Bial 20 leh INC in Bial 14 chuhin BJP in Bial 10 an chuh a, Independent Candidate 11 an awm bawk a ni.

MDC Bial 25 zingah Candidate pahnih awmna Bial paruk awmin, heng zinga Bial hnih, Sangau East leh Sangau West chu BJP leh ZPM inmalbeihna tur niin Bial dang pali, Sangau South, Lungtian, Bualpui West leh Lawngtlai-III te chu MNF leh ZPM in malbeihna tur a ni a. Candidate pathum awmna Bial 11- Cheural, Lungpher South, Vawmbuk, Lawngtlai Bazar, Lawngtlai Vengpui, Council Veng, Lawngtlai AOC, Chandmary, Pathar Diltlang South leh Sekulh te awmin, College Veng, Sakeilui, M. Kawnpui, Tuithum-hnar leh Vathuampui te chu Candidate pali awmna a ni a, Bualpui East, Chawngte ‘P’ leh Bungtlang South-ah te Candidate 5 an awm a ni.