CM hovin thutkhawm nei

Zonuna Kawlni (LENKAWL) • November 4, 2025 • Comments • Mizoram

Empowered Committee on Investment chu nimin khan CM Conference Hall-ah an Chairman leh Chief Minister Lalduhoma kaihhruaiin an thukhawm a, Mizoram-in Full fledged Investment Promotion Agency a neih ve dan tur Planning & Programme Implementation Department-in an duan chu an enho a, State dangte kalpui dan en chunga duan a nih angin siamrem ngaite a la awm thei nia ngaih a ni a. Mizoram Special Investment Zone hmunhma tura thli thlai mek report pawh a rang lama chinfel ni se an ti bawk.

Mizorama thlai thar sawngbawlna din duha dil Company, he Committee-in a lo pawm tawh leh MoU a lo ziahpui tawh te kal zel dan pawh sawiho niin Company thenkhatten hma a lakzui nghal avangin MoU leh Mizoram Industrial & Investment Policy 2025 anga sawrkarin an mamawh a lo pek ve tur; Power, Water, Fencing, Approach road leh Land Development te tihhlawhtlin dan te pawh sawiho a ni bawk.