Chief Minister-ah thlen

YMA Sub-Hqrs. Lunglei hruaitute chuan Aizawl atanga Thenzawl kaltlanga Bunghmun via Buarpui Road chu National Highway-a puan tumna a awm nia hriain nimin khan Chief Minister Lalduhoma chu a Pisa-ah an kawm a, Aizawl-Thenzawl-Lunglei (ATL) Road chu National Highway-ah puang lova Thenzawl thleng chauh puan chu an duh loh thu thlenin, Western By-pass Road (Pukpui to Sazaikawn) Survey zawh vek tawh, hunrei tak Approved loh a awm chu By-Pass Road a siam tur chuan National Highway leh National Highway a inpawh a ngaih avangin tun thlengin Approve lohin a awm niin an sawi a, Chief Minister chuan Aizawl-Thenzawl-Lunglei bakah Aizawl-Thenzawl-Buarpui-Bunghmun te National Highway a puang turin Prime Minister hnenah lehkha a siam nghal a ni. Sub-Hqrs. YMA Lunglei hruaitute hian nimin vek khan Higher & Technical Education Minister Dr. Vanlalthlana pawh hmuin Lunglei-a Mizoram State University din an duh thu an sawipui nghal bawk a ni.