Union Bank of India hawng

Nimin khan Saitual leh Mamit-ah Union Bank of India Branch thar hawn a ni a, Saitual-ah Minister Prof. Lalnilawma chuan Union Bank of India (UBI) Saitual Branch hi hawngin Mamit Branch chu Sub-Hqrs. YMA Mamit President Vanlalchhunga chuan a hawng bawk a ni. Union Bank of India hi India rama Public Sector Bank lian ber panga (5)-na niin November 11, 1919 khan India hnampa, Mahatma Gandhi-in a hawng a. UBI Hqrs hi Mumbai-ah awmin, nimin November ni 11, 2025 kha kum 107 a tlinna a ni. April 1, 2020 khan Andhra Bank leh Corporation Bank te nen thlunzawm a ni a, India ram pumah leh ram pawnah te Branch 8600 chuang leh ATM 10000 chuang neiin thawktu 74,100 chuang zet an awm a ni. Bank-in kumin a deposit leh advances zawng zawng hi cheng vbc. nuai 22.14 niin, kum hmasa aiin 5% laiin a pung a ni.