ABC Inkhawmpui nei tan

Baptist Church of Mizoram (BCM) hnuaia rorelna sang ber dawttu, Area Baptist Council (ABC) Inkhawmpui chu nizan atang khan ABC hrang hrangah neih niin naktuk Pathianni zan thleng a awh ang.
    Mizoram Baptist Kohhran hnuaia ABC Inkhawmpui hi ABC 17-ah neih niin Serchhip Area Baptist Council (ABC) Inkhawmpui vawi 29-na pawh nizan atang khan BCM Biak In, Serchhip-ah neih a ni a, thupui atan ‘Pathian hnaih rawh u’ (Jakoba 4:8) hmangin nizan khan Pathian biak Inkhawm neih a ni a, Vawiin hian chawhma dar 10:30-ah ABC Rorel neiin zanin ah Pathian Biak Inkhawm neih leh a ni anga, naktuk Pathianni chawhma-ah Upa Nemngheh Inkhawm neiin Chawhnu lamah Lalpa Zanriah Sacrament kilho a ni anga, naktuk Pathianni zan ah Pathian Biak Inkhawm neih leh a ni ang. Ser-chhip Area Baptist Council huamchhungah hian Pastor Bial 5 a awm mek a ni.