Kumin ah meizu man tam tawh

Serchhip District Anti-Tobacco Squad te chuan kumin chhungin tum 24 fehchhuah nei tawhin Vaihlo leh a kaihhnawih hman khapna dan bawhchhia mi 124 zet an man tawh.
Serchhip District Anti-Tobacco Squad te hian kumin (2025) January thla atanga October thla tawp thleng khan Vaihlo leh a kaihhnawih khapna leh khuahkhirhna Dan zawm a nih dan enfiah leh dan zawm lo te man turin tum 24 fehchhuah an nei tawh a, heng ah hian hmun 286 tlawhin heng zingah hian sawrkar Pisa leh mipui punkhawmna hmun bakah sumdawnna hmun te a tel a. ni.

Heng hmun hrang hrang an tlawhna ah hian Dan zawmlo mi 124 manin heng mite hi Dan in a phut angin pawisa chawitir thin an ni a, dan zawm lo te sum chawi hi Rs. 6370 a tling tawh a, sawrkar kum liamta (2024-2925)-ah khan dan zawmlo te sum chawi Rs. 2550/- chu sawrkar ah an lo chhunglut tawh bawk a ni. Dan zawm lo man zingah hian puipunna hmuna meizuk khapna Dan bawhchhia chu an tam ber a ni.