YMA ten Khawhar Zai-a intihsiakna nei dawn

Zonuna Kawlni (LENKAWL) • October 3, 2025 • Comments • Serchhip

Sub-Hqrs. YMA Serchhip chuan thla thar November 6 leh 7 khian Sub-Hqrs. YMA huap Branch YMA Khawhar Zai Intihsiakna buatsaih nise an ti.
Sub-Hqrs. YMA Serchhip hian nimin khan Sub-Hqrs. YMA Hall-ah SEC Meeting neiin Branch YMA te tana Khawhar Zai intihsiakna hi SYMA Hall-ah neih nise an ti a, Intihsiakna hi hla pathum hmanga neih tur niin heng zinga pakhat hi a tel zawng zawng ten an sak tur a nih bakah a dang pahnih atang hian pawhfuh zawk zawk pakhat sak tur a ni bawk anga, he intihsiakna a pakhatna chuan lawmman ah Rs. 40,000/- an dawng thei dawn a ni.

Nimin-a SEC thutkhawm hian tun thla ni 21-23 chhunga Sakawrdai-a YMA Inkhawmpui Lian neih tura kal dan turte relin, kalna remchang lo Branch Palai te tan tun thla ni 15 thlengin in hriattir theih nise an ti a. Heng bakah hian YMA inrelbawlna atana pawimawh hrang hrangte an sawiho bawk a ni.