UPC-NEI PYD ten Social Work Day an hmang
Kumtin-a PYD ten Vantlang tana thil tha tihna ni an hman thin hi Ser-chhip-ah pawh nimin khan Serchhip Biaal PYD te huaihawtin hman leh niin Serchhip AOC Veng atanga Serchhip Ramthlun Veng-a Biak Inpui thlengin kawngpui dung-a bawlhhlawh senghawi leh chharfai hna an thawk a, hnatlang bul tanna Serchhip AOC Kawn-a neih ah T. Upa Lalmuanawma chuan hunserh hmangin hemi hnu hian a huho in kawngpui dung-a bawlhhlaw te an chhar a, heng te hi a paihna tur hmun ah paihin Biak Inpui-a hnatlang kharna hunah T. Upa Lalrinkima chuan hunserh a hmang leh bawk a ni.
General PYD Conference rorelna chuan kum 1999 khan ‘Social Work Day neih nise’ tih a lo rel tawh angin, kum 2000 atang khan kumtin he Ni hi an hmang thin a; Kumin-a Social Work Day-ah hian Tualchhung leh Bial hrang hrang PYD member te chuan thisen pek, Damdawi In leh Sub-Centre te tifaiin, Vantlang inthiarna tur siam leh tihfai, khawlai leh tuiluankawr tihfai, thingphun hnatlang te neiin hun an hmang a ni.