Vawk hri leng vangin Vawk lakluh la khuahkhirh zel
Hemi chungchang ah hian Serchhip District Magistrate Paul L. Khuma chuan thupek tichhuakin Mizoram District thenkhat ah Vawk hri, African Swine Fever (ASF) avangin Vawk tam tak thi leh tawhin engemawzat suat a nih tawh thu a tarlang a, Serchhip District chhunga kan ranvulh te an lo him zel theih nan Section 163 of Bharatiya Nagarik Suraksha Sanhita, 2023 tlawhchhanin Serchhip District chhungah ramdang (Foreign countries), State dang leh District dang atangin Vawk, Vawksa leh Vawksa atanga siam eitur reng reng lakluh khap tlat a nih thu te, Serchhip District chhung khua leh khua-a Vawk inlakpawh turte reng rengin AH&Vety Department a thawk te emaw, khawtlang hruaitu Village Council te hnen atangin emaw ran hrisel ngei a nih hriatpuina an la ngei tur a nih thu te a tarlang a. Vawk hrisel tha chauh talh tur a nih thu leh Vawk damlo reng reng talh tura sawngbawl loh tur a nih thu bakah Vawk damlo leh thi reng reng chu AH & Vety Department-a thawktute hnenah hriattir vat tur a nih thu bakah Vawk thi reng reng uluk takin Disinfectant (chinai) nen thuk taka phumbo tur a nih thu te a tarlang a ni.
He thupek hian thu leh awm hma chu Order chhuah a nih atanga thla hnih (2) chhung huam tur niin thupek zawm lo chu Section 223 of Bharatiya Nyaya Sanhita, 2023 dan hmangin hrem theih an ni ang.
Hetihlai hian Serchhip-a AH&Vety Department hotute chuan kumin chhung hian Ser-chhip District-ah ASF avanga Vawk thi leh damlo report dawn an neih loh thu tunhnai khan LENKAWL an hrilh a. Hri leng hmuh la ni lo mah se mipuite chu fimkhur zui zel tura chahin, sawrkar in thupek a siam te zawm zel turin an chah bawk a ni.
Comments
Post a Comment
I ngaihdan i sawi hian mipui ngaihdan i tarlang a ni!