Vawiin-ah Presbytery Inkhawmpui nei tan dawn

Mizoram Synod hnuaia Presbytery hrang hrang te chuan Vawiin atang hian Inkhawmpui an nei dawn a, Pathianni zan thleng a awh ang.
    Mizoram Presbyterian Kohhran-a rorelna sang ber dawttu, Presbytery Inkhawmpui hi Vawiin hian neih tan tura ruahman niin Vawiin-ah Upa Nemngheh turte ten Exam neih a ni anga, hemi hnu hian Committee hrang hrang thuin zan lamah Pathian Biak Inkhawm neih tan a ni ang. Chhimchhak Presbytery Inkhawmpui vawi 102-na pawh Sailam Veng Kohhran Biak In, Chhiahtlang-ah neih tan a ni dawn a, thupui atan ‘Nun tam’ tih hman a ni anga, Presbytery dang ang bawkin Vawiin hian Upa Nemngheh tur Exam neiin chhun lamah Committee hrang hrang an thu anga, zan lamah Pathian Biak Inkhawm neiin Bial hrang hrang report ngaihthlak a ni ang.